කොවිඩ් - 19 වෛරස් රෝග පාලනය සඳහා ගෙන ඇති ක්රියාමාර්ග සම්බන්ධවයි
කොරෝනා රෝග පාලනයට හා සමාජ සම්බන්ධීකරණ කටයුතු සඳහා කුලියාපිටිය බටහිර ප්රාදේශීය ලේකම් කාර්යාලය විසින් පහත සඳහන් වැඩසටහන් ක්රියාත්මක කර ඇත.
- රජයේ සායන මඟින් නිකුත් කරන ඖෂධ හා වසම් වල ජනතාවගේ ඖෂධ අවශ්යතා වසම් භාර ග්රාම නිලධාරීන් හා ආර්ථික සංවර්ධන නිලධාරීන් මඟින් නිවෙස් වලට සපයා දීමට කටයුතු සංවිධානය කර ඇති අතර ඒ පිළිබඳව ජංගම ප්රචාරක රථයක් මඟින් ප්රදේශයේ ජනතාව දැනුවත් කරන ලදී.
- කොට්ඨාශයේ ජනතාව සඳහා අවශ්ය ආහාර ද්රව්ය සැපයීමට සමුපකාරය මඟින් ජංගම සේවා ආරම්භ කර තිබීම හා සුපිරි වෙළඳසැල් මඟින් online ක්රමයට භාණ්ඩ නිවෙස් වලට ම සපයා දීම
- .අත්යවශ්ය ආහාර ද්රව්ය ලබා ගැනිම සඳහා වසම් වල පවතින කුඩා පරිමාණ වෙලඳසැලක් ගම්මානයකට එක බැගින් විවෘත කිරීම හා ජනතාව ඒකරාශී වීම වැළැක්වීමට ග්රාම නිලධාරී මඟින් අධීක්ෂණ කටයුතු කිරීම
- .වසම් වල ජනතාවට අත්යවශ්ය ආහාර ද්රව්ය අඛණ්ඩව වසම් වලට සපයා දීමට කටයුතු සංවිධානය කිරීම.
- ප්රදේශයේ පානීය ජල අවශ්යතාවය සපුරා දීමට කටයුතු සංවිධානය කිරීම.
- අසරණභාවයට පත්ව ඇති පවුල් සඳහා ලැබෙන අත්යවශ්ය ද්රව්ය කඩිනමින් බෙදා හැරීම.
- වෛරසය පැතිරීම වළක්වා ගැනීමට අදාල තොරතුරු හා කාර්යාලය හරහා ජනතාව වෙත ලබාදෙන සහන සේවා තොරතුරු පිළිබඳ වෙබ් අඩවියේ පල කිරීම.
- ප්රදේශයේ ජනතාවට පහසුකම් සැපයීම සඳහා ප්රාදේශීය ලේකම් කාර්යාලය පැය 24 ම විවෘතව තැබීම.
